بیجنگ(نیوڈیسک)چین کے دارالحکومت بیجنگ میں جون کے مہینے میں سب سے زیادہ درجہ حرارت کا نیا ریکارڈ بن گیا ہے۔غیرملکی خبررساں ادارےنے بتایاکہ مقامی محکمہ موسمیات کے مطابق 22 جون کو بیجنگ میں دوپہر کو درجہ حرارت 40.7 ڈگری سینٹی گریڈ تک پہنچ گیا تھا۔یہ 29 مئی 2014 کے بعد پہلی بار ہے جب بیجنگ میں درجہ حرارت 40 ڈگری سینٹی گریڈ سے زیادہ ریکارڈ ہوا۔اس کے ساتھ ساتھ یہ جون کے مہینے میں بیجنگ میں سب سے زیادہ ریکارڈ ہونے والا درجہ حرارت بھی ہے۔بیجنگ کے جنوب مغرب میں ایک چھوٹے قصبے Tanghekou میں درجہ حرارت 41.8 ڈگری سینٹی گریڈ ریکارڈ ہوا اور وہ 22 جون کو چین کا گرم ترین مقام رہا۔گرمی میں اضافے کے باعث بیجنگ کے رہائشیوں کے لیے اورنج الرٹ جاری کیا گیا ہے اور محکمہ موسمیات کے مطابق 22 سے 24 جون کے دوران درجہ حرارت 39 ڈگری سینٹی گریڈ یا اس سے زیادہ رہے گا۔محکمہ موسمیات کے مطابق اس ہفتے کے اختتام تک چین کے مختلف حصوں کو ہیٹ ویو کا سامنا ہوگا۔خیال رہے کہ اس سے قبل مئی میں چین کے ایک اور بڑے شہر شنگھائی میں شدید گرمی کا 100 سالہ ریکارڈ ٹوٹا تھا۔29 مئی کو شنگھائی شہر میں مئی کے مہینے کے دوران سب سے زیادہ درجہ حرارت کا 100 سالہ ریکارڈ ٹوٹا تھا۔اس موقع پر شہر کا درجہ حرارت 36.7 ڈگری سینٹی گریڈ تک پہنچ گیا تھا۔
