کراچی: ملک میں پیٹرولیم مصنوعات کی قیمتوں کے تعین سے متعلق ایک نئی تجویز سامنے آگئی ہے، جس میں حکومت سے مطالبہ کیا گیا ہے کہ پیٹرول کے نرخ مقرر کرنے کا اختیار مارکیٹ کو دے دیا جائے۔

سینیٹ کی قائمہ کمیٹی برائے خزانہ کے چیئرمین سینیٹر سلیم مانڈوی والا نے تجویز دی ہے کہ جس طرح لبریکنٹ آئل کی قیمتیں آزاد مارکیٹ کے تحت طے ہوتی ہیں، اسی طرح پیٹرولیم مصنوعات کے نرخ بھی ڈی ریگولیٹ کیے جائیں۔ ان کے مطابق حکومت کو قیمتیں مقرر کرنے کے موجودہ نظام سے مکمل طور پر باہر نکلنے پر غور کرنا چاہیے۔
سلیم مانڈوی والا نے بتایا کہ قیمتوں کے تعین کے موجودہ طریقہ کار کو ختم کرنے اور مارکیٹ کو اختیار دینے کے لیے حکومت کو تحریری طور پر سفارشات بھیجی جا چکی ہیں۔ ان کا کہنا تھا کہ پیٹرول پمپس کو اپنی مرضی کے مطابق نرخ مقرر کرنے کی اجازت ملنی چاہیے۔

انہوں نے مؤقف اختیار کیا کہ اگر مارکیٹ میں مختلف کمپنیوں اور پیٹرول پمپس کے درمیان قیمتوں کا مقابلہ پیدا ہو تو صارفین کو براہِ راست فائدہ پہنچ سکتا ہے۔ اس طریقہ کار کے تحت خریدار مختلف پمپس کے نرخوں کا موازنہ کرکے اپنی سہولت کے مطابق پیٹرول خرید سکیں گے۔
سینیٹر سلیم مانڈوی والا نے ہر روز رات 12 بجے پیٹرولیم مصنوعات کی قیمتوں میں تبدیلی کے طریقہ کار پر بھی تنقید کی۔ ان کے مطابق اچانک نرخ تبدیل ہونے سے عوام کو قیمتوں کی صورتحال سمجھنے میں دشواری پیش آتی ہے اور صارفین بروقت فیصلہ نہیں کر پاتے۔

پشاور(اے بی این نیوز)سکیورٹی فورسز نے ایک انٹیلی جنس آپریشن کے دوران افغانستان سے تعلق رکھنے والے ایک دہشت گرد حکمت اللہ عرف حمزہ کو گرفتار کر لیا ہے۔

پولیس حکام کے مطابق گرفتار دہشت گرد کا ماضی میں افغان نیشنل آرمی سے تعلق رہا ہے اور اس کی گرفتاری سے پاکستان کے خلاف افغان سرزمین کے استعمال اور دہشت گردانہ نیٹ ورکس سے متعلق اہم انکشافات سامنے آئے ہیں۔

ایڈیشنل آئی جی سی ٹی ڈی عباس احسن نے پشاور میں پریس کانفرنس کرتے ہوئے بتایا کہ گرفتار خارجی حکمت اللہ سے دورانِ تفتیش انتہائی اہم اور حساس معلومات حاصل ہوئی ہیں۔ تفتیشی حکام کا کہنا ہے کہ ملزم نہ صرف افغان نیشنل آرمی کا حصہ رہا ہے بلکہ وہ درس و تدریس سے بھی وابستہ رہا ہے۔

سیکیورٹی فورسز کی اس مؤثر کارروائی کو صوبے میں دہشت گردی کے خلاف جاری مہم کے دوران ایک بڑی اور نمایاں کامیابی قرار دیا جا رہا ہے۔

اس موقع پر مشیراطلاعات اے آر ڈی سی محمود جان بابر نے کہا کہ یہ گرفتاری اس بات کا روشن ثبوت ہے کہ افغان سرزمین مسلسل پاکستان کے خلاف دہشت گردانہ سرگرمیوں کے لیے استعمال ہو رہی ہے۔

انہوں نے واضح کیا کہ پاکستان متعدد بار افغان حکام کو اس سلسلے میں مصدقہ ثبوت فراہم کر چکا ہے اور تمام شواہد کے ساتھ اپنا موقف اور کیس عالمی برادری کے سامنے بھی پیش کیا جا چکا ہے۔

دورانِ تفتیش گرفتار دہشت گرد حکمت اللہ نے اعتراف جرم کرتے ہوئے بتایا کہ اس نے اردو زبان کی تربیت حاصل کر رکھی تھی اور وہ فکری مغالطے کے باعث غلط راستے پر چل پڑا تھا۔

اپنے بیانیے میں اس کا کہنا تھا کہ وہ پاکستان میں مختلف کارروائیوں میں ملوث رہے ہیں، تاہم گرفتاری کے بعد پاکستان کی سیکیورٹی فورسز نے اس کے ساتھ انتہائی ذمہ دارانہ اور مناسب سلوک کیا ہے۔
مزیدپڑھیں: جماعت اسلامی کے دباؤ کے باعث حکومت نے عوام کو پیٹرول پر ریلیف دیا،حافظ نعیم الرحمن

اسلام آباد: حکومت نے عوام کو ریلیف دیتے ہوئے پیٹرول اور ڈیزل کی قیمتوں میں کمی کا اعلان کردیا ہے۔ اوگرا کی جانب سے جاری کردہ نوٹیفکیشن کے مطابق پیٹرول اور ڈیزل کی قیمتوں میں کمی کے بعد دونوں ایندھن کی نئی قیمتوں کا اطلاق 11 نومبر سے ہوگا۔

نوٹیفکیشن کے مطابق پیٹرول کی فی لیٹر قیمت میں 8 روپے کمی کی گئی ہے، جس کے بعد نئی قیمت 338 روپے مقرر کردی گئی ہے۔ اس کمی سے گاڑیوں اور موٹر سائیکلوں کے مالکان کو ایندھن کے اخراجات میں کچھ ریلیف ملنے کی توقع ہے۔

حکومتی نوٹیفکیشن میں ڈیزل کی قیمت بھی 7 روپے فی لیٹر کم کرنے کا اعلان کیا گیا ہے۔ اس کمی کے بعد ڈیزل کی نئی قیمت 371 روپے فی لیٹر ہوگئی ہے۔

ڈیزل کی قیمت میں کمی سے مال برداری اور پبلک ٹرانسپورٹ کے اخراجات پر بھی مثبت اثر پڑنے کی توقع کی جا رہی ہے، تاہم اس کا عملی فائدہ کرایوں اور اشیائے ضروریہ کی قیمتوں میں کس حد تک منتقل ہوتا ہے، اس کا انحصار متعلقہ شعبوں کے فیصلوں پر ہوگا۔

واضح رہے کہ نئی قیمتوں کا اطلاق 11 نومبر سے ہوگا۔ شہریوں کو پیٹرول پمپوں پر ایندھن کی خریداری کے وقت نئی مقرر کردہ قیمتوں کے مطابق ادائیگی کرنا ہوگی۔

اسلام آباد: مہنگائی سے پریشان عوام کے لیے ریلیف کی امید پیدا ہوگئی، حکومت کی جانب سے پیٹرول اور ڈیزل کی قیمتوں میں مزید کمی کا امکان ظاہر کیا جا رہا ہے۔ ابتدائی اطلاعات کے مطابق پیٹرولیم مصنوعات کی قیمتوں میں فی لیٹر 8 روپے تک کمی متوقع ہے۔

تفصیلات کے مطابق پیٹرولیم مصنوعات کی نئی قیمتوں کے حوالے سے آئل اینڈ گیس ریگولیٹری اتھارٹی (اوگرا) کی جانب سے آج رات نوٹیفکیشن جاری کیے جانے کا امکان ہے، جس کے بعد نئی قیمتوں کا اطلاق ہوگا۔

رپورٹ کے مطابق حکومت ایک مرتبہ پھر عوام کو ریلیف دینے کے لیے پیٹرول اور ڈیزل کی قیمتوں میں ردوبدل کرنے جا رہی ہے۔ تاہم حتمی قیمتوں کا تعین سرکاری نوٹیفکیشن کے بعد ہی ہوگا۔

یاد رہے کہ 6 نومبر کو بھی حکومت نے پیٹرولیم مصنوعات کی قیمتوں میں کمی کرتے ہوئے عوام کو ریلیف دیا تھا۔ اس وقت جاری کیے گئے نوٹیفکیشن کے مطابق پیٹرول کی قیمت میں 6 روپے 59 پیسے فی لیٹر کمی کی گئی تھی، جس کے بعد نئی قیمت 346 روپے فی لیٹر مقرر ہوئی تھی۔

اسی طرح ہائی اسپیڈ ڈیزل کی قیمت میں 4 روپے 25 پیسے فی لیٹر کمی کی گئی تھی، جس کے بعد اس کی قیمت 378 روپے فی لیٹر ہوگئی تھی۔
نئی قیمتوں کا اعلان کب ہوگا؟
گزشتہ نوٹیفکیشن کے تحت قیمتوں میں کمی کا اطلاق 10 نومبر تک کیا گیا تھا۔ اس مدت کے اختتام پر حکومت کی جانب سے پیٹرولیم مصنوعات کی قیمتوں کا دوبارہ جائزہ لیا جا رہا ہے۔

اگر متوقع کمی کی منظوری مل جاتی ہے تو پیٹرول اور ڈیزل استعمال کرنے والے صارفین کو مزید مالی ریلیف مل سکتا ہے۔ خاص طور پر روزانہ سفر کرنے والے افراد، موٹر سائیکل سواروں اور ٹرانسپورٹ کے شعبے سے وابستہ لوگوں کو نئی قیمتوں سے فائدہ پہنچنے کی امید ہے۔

واضح رہے کہ پیٹرول اور ڈیزل کی قیمتوں میں کمی سے متعلق فی الحال سامنے آنے والی اطلاعات ابتدائی ہیں۔ عوام نئی قیمتوں کی تصدیق کے لیے حکومت اور اوگرا کے باضابطہ نوٹیفکیشن کا انتظار کریں۔