کراچی(نیوزڈیسک)معروف ماڈل شہروز سبزواری کی سابقہ اہلیہ سائرہ یوسف کی سپر اسٹور میں چوری کی انوکھی واردات ، ویڈیو نے ویڈیو نے سوشل میڈیا پر نیا ہنگامہ کھڑا کردیا. میڈیا رپورٹس کے مطابق سوشل میڈیا پر معروف اداکارہ سائرہ یوسف کی وائرل ویڈیو میں ان کے نئے روپ نے صارفین کو حیرت میں مبتلا کردیا۔
ویڈیو میں سائرہ یوسف کو ایک اسٹور میں خریداری کے لیے داخل ہوتے دیکھا جاسکتا ہے، جسکے بعد وہ سی سی ٹی کیمروں میں اس اسٹور کے اندر کچھ دیر ادھر ادھر گھو منے کے بعد ایک لمحہ ایسا بھی آیا جس نے ناظرین کو چونکا دیا۔
سائرہ نے ایک ریک کے نزدیک رک کر ادھر ادھر دیکھا اور پھر ہوڈی سے چہرہ چھپاکر ریک پر رکھی پروڈکٹس اپنے بیگ میں ڈالی اور تیزی سے وہاں سے فرار ہو گئی۔
سائرہ کی اس حرکت پر ناظرین یقین کرنے کو تیا رنہیں ہیں کہ آیا یہ حقیقت ہے یا فسانہ۔ کئی سوشل میڈیا صارفین اسے کسی اشتہاری مہم کا حصہ قرار دے رہے ہیں۔ کسی نے اسے اے آئی ویڈیو کہا ایک صارف نے تو صاف کہہ ڈالا کہ میں مان ہی نہیں سکتی ، اور ایک نے کہا کہ نہیں ایسا ہو ہی نہیں سکتا۔
اصل حقیقت کیا ہے اس کی تاحال تفصیل سامنے نہیں آسکی ہے بہر حال انٹر نیٹ صارفین سائرہ یوسف کے اس نرالے روپ پر حیران وپریشان ہیں اور اپنی جانب سے قیاس آرائیوں کا سلسلہ جاری ہے۔
