پشاور ( اے بی این نیوز) وزیراعلیٰ خیبرپختونخوا سہیل آفریدی نے کہا ہے کہ لانگ مارچ کے پہلے مرحلے میں صوابی جائیں گے، جس کے بعد آگے کی جانب پیش قدمی کی جائے گی۔ پی ٹی آئی نے لانگ مارچ کے لیے 4 اکتوبر کی تاریخ مقرر کی ہے۔
پریس کانفرنس کرتے ہوئے سہیل آفریدی نے کہا کہ 4 اکتوبر کو 27 ستمبر کے مقابلے میں زیادہ لوگ نکلیں گے۔ ان کا کہنا تھا کہ اگر کسی نے کوئی ایڈونچر کرنے یا ملکی حالات زبردستی خراب کرنے کی کوشش کی تو عوام کا ردعمل سامنے آئے گا اور کسی کو سر چھپانے کی جگہ نہیں ملے گی۔
وزیراعلٰی خیبر پختونخوا محمد سہیل خان آفریدی کا
4 اکتوبر کے لانگ مارچ کے حوالے سے اہم پیغام۔میں نے آج تمام پارلیمنٹرینز اور تنظیمی ذمہ داران کو واضح ہدایت دی ہے کہ 4 اکتوبر کے لانگ مارچ میں نہتے اور مکمل پُرامن انداز میں شرکت کرنی ہے۔ کسی بھی شخص کے پاس کوئی ایسی چیز نہیں… pic.twitter.com/C0XlYmIph2
— Mohammad Shehzad Khan (@MShehzadSpeaks) September 29, 2026
وزیراعلیٰ نے کہا کہ شوکت یوسفزئی کی جانب سے لانگ مارچ ملتوی کرنے سے متعلق خط انہوں نے نہیں پڑھا، تاہم اگر خط ان کے پاس آیا تو وہ اسے پڑھ کر پھاڑ دیں گے۔
سہیل آفریدی کے مطابق مارچ سے دو روز قبل کارکنوں کے لیے مشران کی فہرست جاری کی جائے گی اور مکمل انتظامی سلسلہ موجود ہوگا۔ ان کا کہنا تھا کہ اگر کوئی رہنما موجود نہ ہوا تو دوسرا رہنما ذمہ داری سنبھالے گا۔
کوئی بھی Adventure کرنے کی کوشش کی گئی یا ملک کے حالات خراب کرنے کی کوشش کی گئی تو پھر یاد رکھنا ایسا عوامی ردعمل آئے گا کہ تمھیں سر چھپانے کیلئے جگہ نہیں ملے گی،
خیبرپختونخوا میں حکومت عوام کی طاقت سے آئی ہے اور عوامی طاقت ہی اس حکومت کی حفاظت کرے گی،
وزیر اعلٰی خیبر پختونخواہ… pic.twitter.com/8ygbN0pS88— Babar Saleem Swati (@BabarSaleemSwat) September 29, 2026
انہوں نے کہا کہ جو کارکن مشران کی ہدایات پر عمل نہیں کرے گا، وہ ان کے ساتھ نہیں ہوگا۔ سہیل آفریدی نے مزید کہا کہ علی امین گنڈاپور کے حوصلے بلند ہیں اور وہ ان کے ساتھ مل کر لانگ مارچ کی قیادت کریں گے۔
پی ٹی آئی کے اعلان کے مطابق لانگ مارچ 4 اکتوبر کو پشاور سے اسلام آباد کی جانب روانہ ہوگا، جبکہ پارٹی نے اسے سیاسی حکمت عملی کا حصہ قرار دیا ہے۔
مزید پڑھیں:سونا اور چاندی مزید سستے ہوگئے، آج کے تازہ ریٹس جاری
