کراچی (نیوز ڈیسک) گرمی کی شدت میں اضافہ ،ہیٹ ویو کا خطرہ بڑھ گیا ،ماہرین نے ہدایات بھی جاری کردی کہ خود کو ہائیڈریٹڈ رکھیں ، اگر پیاس محسوس نہ بھی ہو تب بھی پانی پئیں ،سورج کی خطرناک شُعاعوں سے خود کو محفوظ رکھیں ، سخت گرمی کے اوقات میں باہر نہ دنکلیں ، شدید گرمی میں بیرونی سرگرمیوں کو محدود کر دیں ،سورج کی تیز شعاعوں سے بچنے کے لیے چھتری اورٹوپی وغیرہ کا استعمال کریں ۔ تفصیلات کے مطابق اس حوالے سے وفاقی وزیر برائے موسمیاتی تبدیلی سینیٹر شیری رحمٰن نے بھی رواں ماہ کے آغاز میں صوبائی و مقامی اداروں کو صحت عامہ کے تحفظ کیلئے ضروری احتیاطی تدابیر اختیار کرنے کا مشورہ دیا تھا ۔ دوسری طرف ساؤتھ ایشین کلائمیٹ آؤٹ لک فورم نے بھی پاکستان سمیت جنوبی ایشیا میں درجہ حرارت معمول سے زائد رہنے کی پیش گوئی کردی ہے ۔
