ریاض(نیوزڈیسک)سعودی عرب کے علاقے جدہ میں قائم “جدہ فلکیاتی” سوسائٹی نے کہا ہے کہ ہلال رجب المرجب 900 سے زائد سال میں زمین کے سب سے قریب ہوگا۔ فلکیاتی حساب سے معلوم ہوا ہے کہ رجب کے نئے چاند کی پوزیشن آج ہفتے کو 992 سالوں میں کرۂ ارض سے قریب ترین فاصلہ ہوگی اور یہ فاصلہ 356.568 کلومیٹر ہو گا۔غیرملکی خبررساں ادارے کے مطابق جدہ میں فلکیاتی سوسائٹی کے سربراہ انجینیر ماجد ابو زاہرہ نے کہا کہ اس وقت ہلال نہیں دیکھا جا سکتا۔ کیونکہ یہ زمین کے قریب ترین زمین کے ملاپ پر ہوگا۔ اس مقام پر اسے دیکھنا ممکن نہیں اور چاند کے اس مقام پرہونے سے سمندر کے مدو جزر پر کوئی اثر نہیں پڑے گا۔ابو زہرہ نےکہا کہ کیلیفورنیا انسٹی ٹیوٹ آف ٹکنالوجی میں جیٹ پروپلشن لیبارٹری کے ذریعہ تیار کردہ ڈیٹا کے ایک سیٹ کے اندر طویل عرصے کے دوران چاند اورزمین کے فاصلےکا مطالعہ کیا گیا۔ اس مطالعے سے پتا چلتا ہے کہ جب 2000 سال کے دوران زمین اور چاند کے درمیان قریب ترین فاصلے کا جائزہ لیا جائے تو ہمیں تین نئے چاند نظر آتے ہیں، کیونکہ مقام کے لیے دستیاب بہترین اعداد و شمار کے مطابق یہ فاصلہ 356,570 کلومیٹر سے کم تھا۔انہوں نے کہا کہ زمین کے گرد چاند کا مدار بیضوی ہے، مکمل طور پر گول نہیں ہے۔اس کا مطلب ہے کہ چاند اور زمین کے درمیان فاصلہ متغیرحالت میں ہوتا ہے، کیونکہ چاند کے مدار میں زمین کے قریب ترین نقطہ کو پیریجی پوائنٹ کہا جاتا ہے اور سب سے زیادہ دور۔نقطہ ایپفلین کہا جاتا ہے۔
