ریاض(اے بی این نیوز)سعودی عرب نے اپنا کروز لائن برانڈ ارویا کروز لانچ کردیا جو شہریوں اور غیر ملکیوں کو سمندر کی سیر کرنے کے منفرد مواقع فراہم کرے گا۔سعودی خبر رساں ایجنسی ایس پی اے کے مطابق عوامی سرمایہ کاری فنڈز کی ملکیت کروز سعودی نے اس نئے منصوبے کے آغاز کا اعلان کیا ہے جو ثقافتی ورثے، تاریخ اور مہمان نوازی کے اظہار کیلئے ایک منفرد مقام رکھتا ہے ۔۔ایس پی اے کے مطابق اوریا کروز 2035 تک 1.3 ملین مہمانوں کا استقبال کرے گا ۔ تقریباً پچاس ہزاربراہ راست و بالواسطہ طور پر نئی ملازمتوں کے مواقع فراہم کرے گا۔اس حوالے سے میڈیا رپورٹ میں کہا گیا ہے کہ کروز سروس، سہولتوں، اور ساحل کی سیر کے پروگراموں کا اعلیٰ ترین معیار پیش کرے گا۔ارویا کروزز کی آزاد آپریشنل کےسربراہ غسان خان کا کہنا تھا کہ کروز لائن بین الاقوامی کروزنگ منزل کے طور پر سعودی کی ترقی کے بنیادی عنصر کے طور پر شروع کرنا ایک اعزاز کی بات ہے۔خبر رساں ایجنسی کے مطابق ارویا کروز کے سفر کے پروگرام اور پیکجز فی الحال تیار ہو رہے ہیں اور ان کا اعلان آنے والے مہینوں میں کیا جائے گا۔