بیجنگ(نیوزڈیسک)فلسطین کے صدر محمود عباس چار روزہ دورے پر چین پہنچ گئے جہاں ان کی ملاقات چینی ہم منصب شی جن پنگ سے ہوگی،صدر محمود عباس کے ہمراہ فلسطین کے وزیر خارجہ ریاض المالکی بھی ہیں جنہوں نے اپنے چینی ہم منصب سے ملاقات کی،غیرملکی خبررساں ادارے کے مطابق یہ محمود عباس کا پانچواں دورہ چین ہے، وہ سینئر چینی قیادت سے ملاقات کریں گے،محمود عباس اور شی جن پنگ فلسطین سمیت مشترکہ دلچسپی کے حامل علاقائی اور بین الاقوامی امور پر تبادلہ خیال کریں گے،چین کی وزارت خارجہ کے ترجمان وینگ وین بن نے کہا کہ صدر عباس پرانے دوست ہیں، وہ چین کی عوام کے اچھے دوست ہیں۔واضح رہے کہ بیجنگ، اسرائیل فلسطین تنازع میں روایتی طور پر دو ریاستی حل کا حامی ہے۔
