مکہ مکرمہ(اے بی این نیوز)ملک کے دس ہوائی اڈوں سے پاکستانی عازمینِ حج کی سعودی عرب آمد کا سلسلہ جاری ہے،مدینہ منورہ میں بدھ 31 مئی تک53 پروازوں کے ذریعے 31 ہزار 241 پاکستانی عازمینِ حج سعودی عرب پہنچ گئے،27 ہزار سے زائد پاکستانی عازمین حج مدینہ منورہ میں قیام پزیر ہیں،ڈی جی حج عبدالوہاب سومرو انتظامات کا جائزہ لینے کیلئے مکہ سے مدینہ منورہ پہنچ گئے،4 ہزار سے زائد عازمینِ حج جدید بسوں کے ذریعے مکہ مکرمہ پہنچ گئے،معلمین نے احرام پہنے عازمینِ حج کا مکہ مکرمہ پہنچنے پرتپاک استقبال کیا،پاکستان سے جدہ ایئرپورٹ پر براہ راست پروازوں کا سلسلہ 5 جون سے شروع ہو گا، ترجمان مذہبی امور کے مطابق شعبہ گمشدگی و بازیابی نے راستہ بھولنے والے 25 عازمین کو انکی رہائش گاہوں تک پہنچایا،عازمین کرام کے 166 بیگ تلاش کر کے مالکان کے حوالے کئےگئے ، 06 کی تلاش جاری ہے،وزارتِ مذہبی امو ر کے تحت شعبہ شکایات، حرم گائیڈز، شعبہ خوراک، رہائش و ٹرانسپورٹ مصروف عمل ہیں،پاکستان حج میڈیکل مشن کے تحت 137 ڈاکٹر ز اور پیرامیڈیکل عملہ عازمینِ حج کی طبی ضروریات کیلئے تعینات،وزارتِ مذہبی امور کی خصوصی مانیٹرنگ ٹیموںنے سرکاری و نجی حج سکیم کی سہولیات کا جائزہ لینے کیلئے مختلف رہائش گاہوں کے دورے کئے۔
