نیویارک (نیوزڈیسک )انسانی حقوق سے متعلق کام کرنے والے بین الاقوامی ادارے ہیومن رائٹس واچ نے عمران خان کی گرفتاری کے خلاف جلاؤ گھیراؤ اور پرتشدد احتجاج کے الزام میں گرفتار پی ٹی آئی رہنماؤں و کارکنان کی رہائی کا مطالبہ کردیا۔ہفتہ کو جاری ایک بیان میں ہیومن رائٹس واچ نے کہا کہ پاکستانی پولیس نے عمران خان کی گرفتاری کے خلاف مظاہروں کے تناظر میں بڑے پیمانے پر گرفتاریاں کیں اور 4 سے زیادہ افراد کو حراست میں لیا۔ہیومن رائٹس واچ نے مطالبہ کیا کہ پاکستانی حکام کو پرامن احتجاج یا اپوزیشن کی حمایت کرنے والے تمام افراد کو رہا کرنا چاہیے اور ان کے قانونی حقوق کا احترام کرنا چاہیے۔ بیان میں ادارے نے تمام زیر حراست افراد کو پاکستانی قانون کے مطابق 24 گھنٹوں کے اندر عدالت میں پیش کرنے کا بھی مطالبہ کیا۔ہیومن رائٹس واچ کی ایسوسی ایٹ ایشیا ڈائریکٹر پیٹریشیا گوسمین نے کہا کہ حکام کو انسانی حقوق اور قانون کی حکمرانی کے لیے تحمل اور احترام کا مظاہرہ کرنا چاہیے۔