واشنگٹن(نیوز ڈیسک) ترجمان امریکی وزارت خارجہ نے پاکستان ایران تعلقات سے آگا ہیں البتہ اس پر تبصرہ نہیں کرسکتے۔ انہوں نے کہا کہ پاک امریکا تعلقات میں پاکستان کی اقتصادی ترقی،ماحولیات، توانائی ہماری ترجیحات ہیں ، گزشتہ 20 برس سے امریکہ پاکستان میں سرمایہ کاری سب سے آگے رہا ہے ،گزشتہ مالی سال 2022 میں امریکہ کی طرف سے 250 ملین ڈالر کی سرمایہ کاری ہوئی ،امریکی کمپنیوں کی سرمایہ کاری ہی پاکستان کو صاف توانائی حاصل کرنے میں مدد فراہم کررہی ہے ۔ انہوں نے کہا کہ جنرل الیکٹرک کی ونڈ ٹربائن،کنٹرول سسٹم اور آلات پاکستان میں بڑے پیمانے پر استعمال ہوتے ہیں، ان آلات کے استعمال سے پاکستان کی قابل تجدید توانائی کی صلاحیت بڑھے گی،پہلی بار منگلا پاور اسٹیشن میں امریکی ٹیکنالوجی کی تنصیب کی جا رہی ہے ،دیگر زیر تعمیر بڑے ڈیموں کیلئے بھی امریکہ کا تیار کردہ سازوسامان استعمال کیا جا رہا ہے ۔