کابل(نیوزڈیسک)کابل کے شمال میں افغان سکیورٹی فورسز کا اسلامک اسٹیٹ خراسان کے نائب امیر انجینئر عمر کو خفیہ معلومات پر آپریشن کے دوران ہلاک کردیا، انجینئر عمر ،شہاب المہاجر گروپے کے نائب امیر کے عہدے پر کام کررہا تھا۔ افغان سکیورٹی فورسزنے آئی ایس کے پی کے لیڈر ڈاکٹر شہاب المہاجر کے آبائی ضلع شکردرہ میں آپریشن کیا ۔ علاقے میں گروپ کا ایک وسیع نیٹ ورک کام کررہا تھا ۔ کارروائی کے دوران کالعدم تنظیم داعش کے دو ارکان بھی ہلاک ہوگئے ، ہلاک دہشتگردوں میںآئی ایس کے پی کا ایک اہم رکن قاری فتح بھی شامل ہے ، قاری فتح خراسان ، مشرقی زوان میں انٹیلی جنس آپریشن کے سربراہ کے طور پر خدمات انجام دے چکا ہے ۔ قاری فتح حملوں کا ماسٹر مائنڈ سفارتی مشنز ، مساجد ودیگر اہم اہداف اس کے مشن کا حصہ تھے۔
