چین، زینگ زو میں شدید دُھند کے باعث حادثہ ،متعدد گاڑیاں آپس میں ٹکرا گئیں، تصاویر سوشل میڈیا پر وائرل
زینگ زو(نیوز ڈیسک) شدید دھند کے باعث چین کے شہر زینگ زو میں پل پر حادثہ پیش آیا، جس میں متعدد گاڑیوں اور ٹرکوں کا تصادم ہوا ،کوئی ہلاکت رپورٹ نہیں ہوئی،گاڑیوں کے ٹکرانے کی تصاویر سوشل میڈیا پر وائرل ہو گئیں۔ چینی میڈیا کے مطابق گزشتہ روز شدید دھند کے باعث 200 سے زائد گاڑیاں حادثے کا شکار ہوئیں جس میں متعدد افراد زخمی ہوئے تاہم کسی بھی ہلاکت کی کوئی خبر موصول نہیں ہوئی۔جائے حادثہ پر سینکڑوں تباہ ہونے والی گاڑیاں موجود ہیں جبکہ زخمیوں کو قریبی اسپتال منتقل کردیا گیا ہے، سوشل میڈیا پر گردش کرنے والی تصاویر اور ویڈیوز میں دیکھا جاسکتا ہے کہ پل پر کاروں اور ٹرکوں کے درمیان تصادم کے باعث گاڑیاں تباہ ہوگئی ہیں۔قریبی اسپتالوں میں ایمرجنسی نافذ کردی گئی۔