تل ابیب (اے بی این نیوز)اسرائیل کی جانب سے یمن میں حوثیوں پر فضائی حملہ کیا گیا جس میں اہم بندرگاہوں کو نشانہ بنایا گیا۔غیر ملکی میڈیا رپورٹس کے مطابق اسرائیل نے یمن میں حوثی اکثریتی جماعت انصار اللہ پر فضائی حملہ کیا۔
اسرائیلی وزیر دفاع کا کہنا ہے کہ اسرائیل کی جانب سے حملے میں الحدیدہ ، الصلیف اور راس عیسیٰ پورٹ کو نشانہ بنایا گیا۔اس کے علاوہ یمن میں راس قطب پاور پلانٹ کو بھی نشانہ بنایا گیا ہے۔
واضح رہے کہ اتوار کو اسرائیلی فوج نے یمن کی بندرگاہوں اور آس پاس موجود لوگوں کو فوری انخلا کی وارننگ جاری کی تھی۔اسرائیل کا دعویٰ ہے کہ تمام علاقے حوثی باغیوں کے کنٹرول میں ہیں۔
مزید پڑھیں: پاکستان کے مختلف شہروں میں آج بروزپیر07 جولائی 2025 موسم کی تازہ ترین صورتحال
