اسلام آباد ( اے بی این نیوز       ) ہیومن رائٹس کمیشن آف پاکستان نے پی ٹی آئی پر پابندی کی مذمت کرتے ہو ئے کہا ہے کہ پی ٹی آئی پر پابندی کا فیصلہ غیر آئینی فوری واپس لیا جائے۔
یہ اقدام آرٹیکل 17 کے تحت پارٹی ممبران کے ایسوسی ایشن کے حق کی صریحاً خلاف ورزی ہے۔
مخصوص نشستیں ملنے کے بعد پی ٹی آئی پارلیمنٹ کی سب سے بڑی جماعت بن گئی۔ ہیومن رائٹس کمیشن پی پی ٹی آئی پر پابندی کے حکومتی فیصلے سے حیران ہے۔
سپریم کورٹ نے متفقہ طور پر فیصلہ دیا کہ پی ٹی آئی ایک سیاسی جماعت ہے۔ اس طرح کے اقدام سے سیاسی مایوسی کا اظہار ہوتا ہے۔ ایچ آر سی پی مطالبہ کرتی ہے اس غیر آئینی فیصلے کو فوری واپس لیا جائے۔
حکومت کو عوام کو ریلیف دینے پر کام کرنے کی ضرورت ہے۔
مزید پڑھیں :سپریم کورٹ نے پی ٹی آئی کو ایک سیاسی پارٹی تسلیم کیا ہے، عمر ایوب