نئی دہلی (نیوزڈیسک)نئی دہلی میں فضائی آلودگی کے معیار کو بہتر بنانے کیلئے میونسپل کونسل نے اینٹی اسموگ گنز نصب کردیں۔عالمی میڈیا رپورٹس کے مطابق مذکورہ اقدام کا مقصد دہلی میں فضائی آلودگی کو کم کرنا ہے۔ میونسپل کونسل نے شہر میں دیر تک بغیر چلنے والی اینٹی اسموگ گنز کو واٹر ٹینکر پر نصب کیا گیا۔شہری انتظامیہ نے یہ اقدام اس وقت کیا جب دہلی میں ’انتہائی ناقص‘ معیار کی ہوا میں لوگ سانس لے رہے تھے۔اینٹی اسموگ گن معروف کمپنی ٹاٹا کی جانب سے تیار کی گئی ہے ، جو28 ٹن سی این جی ٹرک چیسس پر نصب ہیں، ان میں 17 ہزار لیٹر پانی رکھا جاسکتا ہے، جو تین گھنٹے تک مسلسل کام کرسکتی ہیں۔گن میں 30 سے 50 میٹر تک پانی پھینکنے کی صلاحیت ہوتی ہے، جس سے علاقے میں فٹ پاتھوں، جھاڑیوں اور پودوں کی مؤثر طریقے سے دھلائی کی جاسکتی ہے۔جدید گن میں 30 نوزلز ہیں، جن میں سے ہر ایک سے 1.5 لیٹر پانی فی منٹ خارج ہوتا ہے، جس سے دو شفٹوں میں سڑکوں پر روزانہ 70 کلومیٹر کا ایریا کور کیا جاتا ہے، اسے چلانے کے لیے تین سے چار افراد کا عملہ ہوتا ہے۔واضح رہے کہ شہری انتظامیہ کی جانب روزانہ سڑکوں کی صفائی کیا جاتی ہے اور اتوار کو دہلی کا ائر کوالٹی انڈیکس آج صبح 9 بجے 385 تھا۔
