اسلام آباد (اے بی این نیوز)تین سالہ بچے میں پولیو وائرس کی تصدیق ہو گئی،رواں سال کا دوسرا پولیو کیس خیبر پختونخوا کے ضلع بنوں سے رپورٹ ہوا،یہ بات ترجمان وزارت صحت نے بتائی، وزیر صحت عبدالقادر پٹیل نے کہاکہ بچے کا عمر بھر کے لئے معذور ہونا قابل تشویش ہے۔ویکسین سے عمر بھر کی معذوری کو ختم کیا جاسکتا ہے،پاکستان پولیو کے خلاف زیادہ مستحکم مقام پر کھڑا ہے،پولیو کے خاتمے کیلئے مستحکم بنیادوں پر اقدامات جاری ہیں ،2021 سے اب تک جنوبی خیبرپختونخوا سے باہر کوئی پولیو کیس رپورٹ نہیں ہوا ہے ، خبیر پختونخوا میں اگلے ہفتے سے انسداد پولیو مہم کا آغاز ہو رہا ہے،والدین اس دوران بچوں کو پولیو سے بچاؤ کے قطرے ضرور پلوائیں،والدین کے تعاون کے بغیر جنگ نہیں جیتی جاسکتی ہے،بچوں کو معزوری سے بچانا ہمارا مزہبی اور اخلاقی فریضہ ھے،پولیو کے خاتمے کیلئے ہنگامی بنیادوں پر عملی اقدامات جاری ہیں۔
