کراچی(نیوزڈیسک)گورنر اسٹیٹ بینک جمیل احمد نے بھی آئی ایم ایف سے جلد اسٹاف لیول معاہدے کی نوید سنادی۔سینیٹ کی قائمہ کمیٹی برائے خزانہ کا سلیم مانڈوی والا کی زیر صدارت اجلاس ہوا ، جس میں گورنر اسٹیٹ بینک جمیل احمد نے بھی شرکت کی۔اجلاس کے دوران گورنر اسٹیٹ بینک نے آئی ایم ایف سے جلد اسٹاف لیول معاہدے کی نوید سنا دی۔جمیل احمد نے بتایا کہ ہم آئی ایم ایف سے معاہدے کے بہت قریب پہنچ چکے ہیں، معاملات کو حتمی شکل دی جارہی ہے۔گورنر اسٹیٹ بینک نے کہا کہ ایک ماہ میں زرمبادلہ کے ذخائر میں 1.5 ارب ڈالر اضافہ ہوا، پاکستان کے زرمبادلہ کے ذخائر 4.3 ارب ڈالر تک پہنچ گئے ہیں، رواں سال 30 جون تک زرمبادلہ ذخائر میں مزید اضافہ ہوگا۔