ترکیہ( اے بی این نیوز  ) صدر رجب طیب اردوان نے کہا کہ متاثرہ علاقوں میں امدادی کاموں کے لئے 5 ارب امریکی ڈالر مختص کیے ہیں۔ بے گھر ہونے والے افراد کے لئے 45 ہزار پناہ گاہیں جنگی بنیادوں پر تعمیر ہوں گی۔ تاہم ہولناک زلزلے کے باعث نقصانات سے امدادی کاموں میں دشواری ہے۔ زلزلے سے متاثرہ علاقوں میں 3 ماہ کے لئے ہنگامی حالت نافذ کر دیا گیا ہے۔ زلزلہ زدگان کو اناطولیہ کے ہوٹلوں میں عارضی طور رکھنے پر غور کیا جا رہا ہے۔ انہوں نے کہا جنوبی ترکیہ میں زلزلے کا شکار 10 شہروں کو آفت زدہ قرار دے دیا گیا ہے۔