اسلام آباد( ا ے بی این نیوز) ملک کے میدانی علاقوں میں دھند کی صورتحال برقرار ہے، جبکہ موٹرویز کو مختلف مقامات پر ٹریفک کیلئے بند کر دیا گیا ہے،ذرائع کے مطابق ترجمان موٹروے پولیس نے بتایا کہ دھند کی وجہ سے موٹرویز ایم ون پشاور سے رشکئی، ایم ٹو لاہور سے فاروق آباد، موٹروے ایم تھری، ایم فور فیصل آباد سے پنڈی بھٹیاں اور لاہور سیالکوٹ موٹروے ایم الیون بند کر دی گئی ہیں،موٹروے پولیس کا کہنا ہے قومی شاہرات پر دھند کا دورانیہ موسم سرد ہونے کے ساتھ بڑھ گیا ہے ، موٹروے پولیس نے کہا کہ موٹرویز کو عوام کی حفاظت اور محفوظ سفر یقینی بنانے کیلئے بند کیا جاتا ہے ، عوام دھند کے موسم میں دن کے اوقات میں سفر کرنے کو ترجیح دیں۔