لاہور ( اے بی این نیوز )وزیراعلیٰ پنجاب مریم نواز نے پی ٹی آئی کے بانی عمران خان کی جانب سے آرمی چیف کو لکھے گئے خط سے متعلق سوال کا جواب دینے سے انکار کردیا۔
لاہور میں میڈیا سے غیر رسمی گفتگو کرتے ہوئے مریم نواز کا کہنا تھا کہ پاکستانی عوام جلاؤ گھیراؤ کی سیاست کو مسترد کر چکے ہیں۔ ملک میں آبادی بڑھی اور سڑکیں چھوٹی ہوگئیں، اس لیے تجاوزات کے خلاف آپریشن ضروری ہے۔
انہوں نے کہا کہ احتجاج کی کئی کالیں موصول ہوئی ہیں جنہیں عوام نے مسترد کر دیا ہے۔صحافی کے سوال پر ان کا کہنا تھا کہ آپ کی باتیں سن کر لگتا ہے کہ میں نے کارکردگی کا تمغہ پہن لیا ہے، میں اپنے دور میں میڈیا ورکرز کے لیے بہت کچھ کرنا چاہتی ہوں، صحافیوں کے لیے اچھی ہاؤسنگ کالونی ہونی چاہیے۔
ان کا مزید کہنا تھا کہ میری رگوں میں کشمیریوں کا خون دوڑتا ہے، اللہ تعالیٰ ایک دن کشمیر بنے پاکستان کا نعرہ ضرور سچ کرے گا۔
مزید پڑھیں :نیٹ پریکٹس کی بجائے سنٹر پچ پر کھیلنے کا فائدہ ہوتا ہے،عاقب جاوید
