اسلام آباد(نیوزڈیسک)اسلام آباد کی ہاؤسنگ سوسائٹیز اور فارم ہاؤسز پر پراپرٹی ٹیکس عائد کردیا گیا۔
نوٹی فکیشن کے مطابق مارگلہ ٹاؤن اور راول ٹاؤن میں ایک سو چالیس مربع گز تک کے پلاٹس پر 24 ہزار روپے ٹیکس عائد کردیا گیا۔
جبکہ آٹھ کنال تک کے فارم ہاؤس پر ایک لاکھ اسی ہزار روپے، نوے سے ایک سو بیس کنال تک کے فارم ہاؤسز کو 4 لاکھ 42 ہزار روپے پراپرٹی ٹیکس ادا کرنا ہوگا۔
مزیدپڑھیں:حکومت کا ایسٹر پر 10 ہزار مسیحی خاندانوں کی کفالت کااعلان
بلیو ایریا میں کمرشل پراپرٹیز پر گراؤنڈ فلور میں فی اسکوائر فٹ 32 روپے، اپارٹمنٹ میں فی اسکوائر فٹ 26، پرائیویٹ اسپتالوں میں فی اسکوائر فٹ 22 روپے ٹیکس دینا ہوگا۔
پٹرول پمپس اور سی این جی اسٹیشنز میں فی مربع گز 180 روپے، مارکیز اور میرج ہالز کے فی اسکوائر فٹ پر 13 روپے پراپرٹی ٹیکس عائد ہوگا۔
