ابوظہبی(نیوزڈیسک)متحدہ عرب امارات (یو اے ای) سے اسلام آباد آنے والی ایمریٹس ائیرلائن کی ایک پرواز میں مشتعل مسافر نے فضائی میزبان کو سر سے ٹکر ماردی۔
غیرملکی خبررساں ادارے کے مطابق اس واقعے کی ویڈیو سوشل میڈیا پر خوب وائرل ہوئی، فضائی عملے نے مشتعل مسافر کو قابو میں کرکے بند کردیا۔
مذکورہ مسافر مبینہ طور پر نشے میں تھا اور اتوار کی رات پاکستان جانے والے ایمریٹس جیٹ کے بزنس کلاس سیکشن میں مشتعل ہوگیا، جس پر پرواز EK614 کے کیبن کریو نے اسے روکنے کی کوشش کی۔
ویڈیو میں دکھایا گیا ہے کہ اسے روکنے کی کوشش میں نیچے گرادیا گیا اور روکے جانے سے پہلے اس نے ایک مرد فضائی میزبان کو سر سے ٹکر بھی ماری۔
مزیدپڑھیں:غزہ جنگ کیخلاف فلسطینی وزیر اعظم حکومت سمیت مستعفی
اس کے بعد کلپ میں ایک ایئر ہوسٹس کو دکھایا گیا جو ہنگامی سیاہ کیبل تھامے بھاگتی ہوئی آتی ہے، یہ کیبل جہاز پر رکھا جاتا ہے تاکہ بے قابو مسافروں کو قابو کیا جاسکے۔
Reports suggest,a Drunk and unruly passenger onboard an Emirates Boeing B777-300ER aircraft operating a flight from Dubai (DXB) to Islamabad (ISB) created chaotic situation inflight,which forced the Emirates crew to restrain him & fasten his hands for rest of the flight.#unruly pic.twitter.com/JbKzZ6ZtZc
— FL360aero (@fl360aero) February 25, 2024
مذکورہ مسافر کے بارے میں بتایا گیا کہ اسے پیر 26 فروری کو اسلام آباد میں مقامی وقت کے مطابق 1:20 بجے کے قریب لینڈ کرنے تک سیٹ پر باندھے رکھا گیا۔
