دمشق ( نیوز ڈیسک )شام میں پھنسے 350 سے زائد پاکستانی سرحد پار کرکے لبنان پہنچ گئےشام میں پھنسے پاکستانیوں کے انخلاء کا عمل شروع ہو گیا ہے اور اب تک 350 سے زائد پاکستانی بحفاظت لبنان کی سرحد تک پہنچ چکے ہیں۔

ذرائع کے مطابق شام میں پھنسے پاکستانیوں کے انخلا کے لیے اقدامات شروع ہوگئے ہیں، 350 سے زائد پاکستانی سرحد پار کرکے لبنان میں پہنچ گئے، تمام افراد کو خصوصی پرواز کے ذریعے بیروت سے پاکستان لایا جائیگا۔

خواتین سمیت کچھ پاکستانی بیروت کے ہوٹل میں محصور ہیں، پاکستانیوں نے وطن واپسی کے لیے وزیراعظم سے مدد کی اپیل کی ہے۔اس حوالے سے ذرائع نے بتایا کہ خصوصی پرواز 48 گھنٹوں میں بیروت سے پاکستانیوں کے لئےچلانے کا فیصلہ ہوا ہے، وزیراعظم کی ہدایت پر سول ایوی ایشن خصوصی پروازوں کی اجازت دیگا۔
مزید پڑھیں: پہلا ٹی ٹوئنٹی ، جنوبی افریقہ نے پاکستان کو 11 رنز سے شکست دیدی