بمبئی (نیوزڈیسک)انڈین پریمئیر لیگ سیزن کے آغاز سے قبل بھارتی بورڈ نے بالنگ قوانین میں بڑی تبدیلی کردی۔ رپورٹ کے مطابق دبئی میں آئی پی ایل کی نیلامی سے محض کچھ دیر قبل بھارتی بورڈ نے بالنگ قوانین میں تبدیلی متعارف کروائی جس میں فی اوور فاسٹ بولر کو 2 باؤنسر کرنے کی اجازت ہوگی۔بھارتی کرکٹ بورڈ کا کہنا ہے کہ مشتاق علی ٹرافی کے دوران ایک اوور میں 2 باؤنسر کروانے کا تجربہ کیا گیا تھا جو کامیاب رہا، اس لیے اب آئی پی ایل 2024 کے سیزن میں اسے بطور قانون لاگو کیا جائے گا۔فرنچائزز سے مشورے کے بعد بھارتی بورڈ نے کھیل قوانین میں تبدیلی کی ہے۔واضح رہے کہ قانون میں تبدیلی کے بعد فرنچائزز پیٹ کمنز، مچل سٹارک، جیرل کوٹزی، جوش ہیزل ووڈ جیسے تیز گیندبازوں کو ٹیم میں شامل کرنے کی خواہاں ہیں۔