اسلام آباد (اے بی این نیوز) سیکیورٹی فورسز نے بلوچستان کے ضلع کیچ کے علاقے مزبند رینج میں دہشت گردوں کے خلاف انٹیلی جنس پر مبنی ایک کامیاب آپریشن کیا، آپریشن کے دوران 2 دہشت گردوں کو جہنم واصل کیا گیا اور 1 دہشت گرد زخمی ہونے کے علاوہ بھاری مقدار میں اسلحہ اور گولہ بارود بھی برآمد ہوا، مارے گئے دہشت گرد معصوم شہریوں اور قانون نافذ کرنے والے اداروں کو نشانہ بنانے میں ملوث تھے، پاکستان کی سیکیورٹی فورسز دہشت گردی کی لعنت کے خاتمے اور پاکستان کے دشمنوں کے مذموم عزائم کو ہر قیمت پر ناکام بنانے کے لیے پرعزم ہیں۔