کراچی(نیوزڈیسک)پاکستان انٹرنیشنل ایئر لائن 39 ہزار ملین سے زائد کی ٹیکس نا دھندہ نکلی ،قومی ائیرلائن نے فیڈرل ایکسائزڈیوٹی،ایف ای ڈی انٹرنیشنل، تنخواہوں سے متعلقہ ود ہولڈنگ ٹیکس وصول کئے،آڈیٹرز اعتراضات پر ائرلائن انتظامیہ نے سن 2022 میں 67 ملین جمع کرائے جانے کا جواب دیا، دیگر رقم کی جلد ازجلد ادئیگی کرنے پر مبنی جواب جاری کیا گیا۔ ایمبارکیشن ٹیکس، سکیورٹی چارجز،انفراسٹرکچرڈویلپمنٹ چارجزکی بھی وصولی ،گورنمنٹ ائیرپورٹ ٹیکس سمیت دیگر ٹیکسز کو 45 یوم میں جمع کرانا ضروری تھا۔ مالی سال 2020،2021 میں ٹیکسز وصولی کے بعد ایف بی آراورسول ایوی ایشن اتھارٹی کو جمع کرائے جانا تھے، ذرائع کے مطابق 2019 میں بھی وصول کردہ 38 ہزار ملین سے زائد ٹیکسز متعلقہ اداروں کو ادا نہیں کیے گئے، ٹیکسز کی عدم ادائیگی پرآڈیٹر جنرل آف پاکستان نے بھی اعتراضات عائد کر دیئے۔