کوٹ رادھا کشن ( اوصاف نیوز)کوٹ رادھا کشن میں نجی سکول کی چھت گرنے سے متعدد بچے زخمی ہو گئے۔
ریسکیو ذرائع کے مطابق واقعہ کوٹ رادھا کشن کے علاقے مان سنگھ روڈ ٹول ٹیکس چوک میں پیش آیا۔ نجی سکول کی چھت گرنے سے نرسری کلاس کے متعدد بچے زخمی ہو گئے۔
ریسکیو ذرائع کا کہنا ہے کہ نرسری کلاس سکول کی دوسری منزل پر واقع تھی اور کلاس کی گرنے والی چھت بوسیدہ تھی۔
ریسکیو کے مطابق صبح 9 بجے پیش آنے والے حادثے میں زخمیوں کو فوری طور پر ٹی ایچ کیو ہسپتال منتقل کر دیا گیا ہے جہاں ایک بچی کی حالت تشویشناک بتائی جاتی ہے۔
