افغانستان کے وزیر داخلہ سراج الدین حقانی نے اپنے عہدے سے استعفیٰ دے دیا اور یہ استعفیٰ انہوں نے افغان طالبان کے سربراہ ہیبت اللّٰہ اخوند زادہ کو ارسال کر دیا۔
میڈیا رپورٹس کے مطابق سراج الدین حقانی کا استعفیٰ منظور کر لیا گیا ہے، اور طالبان قیادت کے اندرونی اختلافات کو اس استعفے کی وجہ قرار دیا جا رہا ہے۔ سراج الدین حقانی کی وزارت کی ذمہ داریوں سے طویل غیر حاضری بھی استعفے کی ایک اور وجہ سمجھی جا رہی ہے۔
دوسری جانب، حقانی نیٹ ورک اور طالبان کی مرکزی قیادت کے درمیان خواتین کے حقوق کے حوالے سے بھی اختلافات موجود ہیں۔ میڈیا رپورٹس کے مطابق سراج الدین حقانی کے استعفیٰ سے متعلق طالبان حکومت کی طرف سے ابھی تک کوئی بیان جاری نہیں کیا گیا۔
