اسلام آباد (اے بی این نیوز )ملکی اہم ترین ادارہ پاکستان بیت المال سات ماہ سے غیر فعال،ایم ڈی کی عدم تعیناتی وزیر اعظم اور ان کی حکومت کے ’غریب دوست‘ ہونے کے تاثر کی نفی کر رہی ہے۔ایم کی عدم تعیناتی پر چار ہزار سے زائد مریضوں کے چیک جاری نہ ہوسکے۔رقم کے اجراء کے چیک پر ایم ڈی کے دستخط ہونا ضروری ہیں۔ بے سہارا مریضوں کو حکومت کی عدم توجہی کی وجہ سے حالات کے دھارے پر چھوڑ دیا گیا ہے.
زرائع کے مطابق کینسر معذوروں ، امراض قلب ، جگر کی بیماریوں اورتھیلیسیمیا سمیت دیگر ملحق بیماریوں کے مریض شدید مشکلات میں مبتلا ہیں ۔ مشاہدے میں آیا ہے کہ پاکستان بیت المال سے علاج اور مالی مدد کے منتظر ہزاروں غریب افراد شدید تکلیف میں ہیں، ایم ڈی پاکستان بیت المال کی عدم تعیناتی کے باعث امداد کی چار ہزار سے زائد درخواستوں پر کارروائی رک گئی ،مختلف سرکاری ہاسپٹل سمیت ایسے مریض موجود ہیں جو زندگی اور موت کی جنگ لڑ رہے ہیں.
زرائع نے بتایا ہے کہ چارج وزارت تخفیف غربت میں کسی افسر کو تفویض نہ کیا جا سکا پی ڈی ایم کے دور میں ایم ڈی بیت المال عامر فدا پراچہ کے مستفی ہونے کے تین ماہ بعدمخدوم سید طارق محمود الحسن کو ایم ڈی پاکستان بیت المال نامزد کیا گیاتھا جبکہ دس دن بعد سید طارق محمود الحسن بھی مستعفی ہو چکے ہیں گزشتہ سات مہینے میں بھی ایم ڈی کی تعیناتی نہ ہوسکی ۔۔
مزید پڑھیں :9 مئی کے منصو بہ سازوں کو ڈھیل دی جائے گی تو فسطائیت بڑھے گی، ڈی جی آئی ایس پی آر
