راولپنڈی ( اے بی این نیوز   )راولپنڈی پولیس نے 10 محرم الحرام کیلئے سیکورٹی پلان جاری کردیا۔ ضلع بھر میں 6 ہزار سے زائد افسران و اہلکار ڈیوٹی کے فرائض انجام دینگے۔
ٹریفک کی روانی کیلئے 9 سو سے زائد ٹریفک وارڈن تعینات ہونگے۔
دس محرم الحرام کے مرکزی جلوس کیلئے 3 ہزار کے قریب افسران و اہلکار تعینات ہونگے۔ ضلع بھر میں 65 جلوسوں اور 113 مجالس کی فول پروف سیکورٹی یقینی بنائی جائے گی۔
مرکزی جلوس کے داخلی راستوں پر واک تھرو گیٹس نصب کئے جائینگے۔
جلوس کے شرکاء کو مکمل باغی سرچ کے بعد داخل ہونے کی اجازت ہوگی۔ سیکورٹی اہلکاروں کے ساتھ رضاکار بھی ڈیوٹی کے فرائض انجام دینگے۔ جلوس کی برآمدگی سے قبل راستوں کی مکمل اسکیننگ اور سویپنگ کی جائے گی۔
جلوس کی سیکورٹی کیلئے بلند عمارتوں پر ماہر نشانہ باز تعینات ہونگے۔ مرکزی جلوس کی طرف آنے والے راستوں کو سیل کیا جائے گا، پولیس تمام جلوسوں کی نگرانی بذریعہ کنٹرول روم CCTV کیمروں سے کی جائے گی۔
محرم الحرام کے ضابطہ اخلاق اور ایس او پیز پر عملدرآمد یقینی بنایا جائے گا۔ پولیس کے سینئر افسران دس محرم الحرام کو فیلڈ میں موجود ہونگے۔

مزید پڑھیں :ہماری حکومت مہنگائی کی ذمہ داری نہیں ہے،نائب وزیر اعظم اسحاق ڈار