لاہور(نیوزڈیسک)آئی سی سی ایوارڈز کیلئے پہلی شارٹ لسٹ آج جاری ہونے کا امکان ہے ۔ذرائع کے مطابق آئی سی سی ایوارڈز کیلئے پہلی شارٹ لسٹ آج جاری کی جائے گی، نامزدگیوں کا مرحلہ وار سلسلہ 5جنوری تک مکمل کیا جائے گا۔ 13کیٹیگریز میں ایوارڈز کا فیصلہ ہوگا،شائقین بھی اپنے فیورٹس کو ووٹ دے سکتے ہیں،حتمی فہرست رواں ماہ کے آخر میںاآویزاں کی جائے گی۔ایوارڈز میں سال کے بہترین مینز اور ویمنز کرکٹر، ٹیسٹ، ون ڈے اور ٹی ٹوئنٹی کرکٹر،ایمرجنگ اور ایسوسی ایٹ کرکٹر و امپائر شامل ہیں،ایک ایوارڈ اسپرٹ آف دی کرکٹ بھی ہوگا۔