اسلام آباد(نیوزڈیسک)آئی سی سی انڈر 19 کرکٹ ورلڈ کپ کے لئے 15 رکنی قومی ٹیم کا اعلان کردیا گیا۔چیف سلیکٹر سہیل تنویر کی سربراہی میں قائم قومی جونیئر سلیکشن کمیٹی نے مشاورت کے بعد قومی انڈر 19 ٹیم کا انتخاب کیا، میگا ایونٹ میں پاکستان ٹیم کی قیادت سعد بیگ کریں گے۔ 15 رکنی اسکواڈ میں نائب کپتان اسفند، علی رضا، احمد حسن، عامر حسن،عرفات منہاس، اذان اویس، محمد ریاض اللہ اور محمد ذیشان،اس کے علاوہ نوید احمد خان، شاہ زیب خان، ہارون ارشد، خبیب خلیل، شامل حسین اور عبید شاہ بھی قومی اسکواڈ کا حصہ ہیں۔