لاہور(نیوزڈیسک) آئی سی سی چیمپیئنز ٹرافی، انٹرنیشنل کرکٹ کونسل کا وفد انتظامات کا جائزہ لینے چار روزہ دورے پر آج کراچی پہنچے گا۔ذرائع کے مطابق 6 ارکان پر مشتمل وفد نیشنل بینک اسٹیڈیم کراچی میں انتظامات کا جائزہ لینے کیساتھ ٹیموں کیلئے مجوزہ ٹریننگ سہولیات کا بھی معائنہ کرے گا۔
ٹیموں کے قیام اور سہولیات کیلئے ہوٹل مینجمنٹ ٹیم سے ملاقاتیں بھی شیڈول ہیں۔ سکیورٹی اداروں کے حکام کی طرف سے بریفنگ کیساتھ حفاظتی امورز پر تبادلہ خیال کیا جائے گا۔
دوسرے مرحلے میں وفد اسلام آباد اور لاہور کا بھی دورہ کرکے اسی طرح مرحلہ وار انتظامات دیکھے گا۔واضح رہے کہ آئی سی سی چیمپیئنز ٹرافی انتظامات دیکھنے کیلئے پاکستان آنے والا مجموعی طو پر یہ آئی سی سی کا چوتھا وفد ہوگا۔
