اسلام آباد (نیوزڈیسک)اسلام آباد ہائیکورٹ سے ضمانت منظورہونے کے بعد سابق وزیر داخلہ شیخ رشید کواڈیالہ جیل سے رہا کردیاگیا،جمعرات کو اسلام آباد ہائیکورٹ سے ضمانت منظورہونے کے بعد سابق وزیر داخلہ شیخ رشید کواڈیالہ جیل سے رہا کیاگیا،اس سے قبل اسلام آباد ہائیکورٹ میں شیخ رشید کی درخواست ضمانت پر سماعت ہوئی جس میں سابق وزیر کے وکیل سلمان اکرم راجا، ایڈووکیٹ جنرل اسلام آباد جہانگیر جدون اور ایس ایچ او آبپارہ عدالت میں پیش ہوئے۔عدالت نے آج سماعت کرتے ہوئے فریقین کے دلائل سننے کے بعد شیخ رشید کی درخواست ضمانت پر فیصلہ محفوظ کرلیاتھا۔جس کے کچھ دیر بعد جسٹس محسن اختر کیانی نے فیصلہ سناتے ہوئے عوامی مسلم لیگ کے سربراہ شیخ رشید کی ضمانت منظور کرلی۔اسلام آباد ہائیکورٹ نے 50 ہزار روپے کے ضمانتی مچلکوں کے عوض شیخ رشید کی رہائی کا حکم جاری کیا۔
