اسلام آباد (اے بی این نیوز ) کیا پاکستان میں پیٹرول کی قیمت میں 150 روپے فی لیٹر کمی ہونے جا رہی ہے؟عالمی منڈی میں خام تیل کی قیمتوں میں اچانک کمی ہوئی ہے۔ اس سال 20 جنوری کو خام تیل کی قیمت 82 ڈالر تھی۔ اور 50 دنوں سے بھی کم عرصے میں $12 سے زیادہ کی کمی کے بعد، قیمت اب $69.3 تک پہنچ گئی ہے۔ اس وقت خام تیل کی قیمت اگست 2021 کی سطح پر پہنچ چکی ہے۔
عالمی منڈی میں خام تیل کی قیمت میں 12.7 ڈالر کی کمی کے بعد پاکستانی عوام کو امید ہے کہ یہاں بھی پیٹرول کی قیمت میں بڑی کمی ہوگی۔ واضح رہے کہ اگست 2021 میں پاکستان میں پیٹرول کی قیمت 119 روپے فی لیٹر تھی۔ اب سوال یہ ہے کہ کیا پاکستان میں پٹرول کی قیمت اگست 2021 کی سطح تک بھی گر سکتی ہے؟ اگر ایسا ہوا تو پاکستان میں پیٹرول کی قیمت میں 150 روپے فی لیٹر کمی ہو جائے گی۔
حکومت کا پیٹرول کی قیمت ہر 15 دن بعد تبدیل کرنے کا فیصلہ۔ گزشتہ 50 دنوں کے دوران عالمی منڈی میں خام تیل کی قیمت میں 12.7 ڈالر کی کمی کے باعث توقع ہے کہ پیٹرول کی قیمت میں 20 سے 30 روپے تک کمی واقع ہوگی تاہم ایسا ممکن نہیں ہے کیونکہ عالمی منڈی میں خام تیل کی قیمت میں کمی کے اثرات 2 ماہ بعد پاکستان میں پیٹرول کی قیمتوں پر پڑتے ہیں۔
معاشی تجزیہ کاروں کے مطابق اس وقت 10 روپے تک کمی ممکن ہے، آئندہ ماہ سے مزید کمی کا امکان ہے۔ پیٹرول کی قیمتوں میں کمی کا حتمی فیصلہ اوگرا کی سمری کی روشنی میں وزارت خزانہ 15 مارچ کی رات کرے گی۔
سال 2024 میں عالمی منڈی میں بھی خام تیل کی قیمتوں میں اتار چڑھاؤ دیکھا گیا۔ خام تیل کی قیمت 10 اپریل کو سب سے زیادہ 91.17 ڈالر فی بیرل تھی اور 10 ستمبر کو سب سے کم قیمت 17.70 ڈالر فی بیرل تھی۔ سال کے آغاز میں یہ 73.58 ڈالر فی بیرل تھی، جب کہ آج بھی قیمت 73.58 ڈالر فی بیرل ہے۔
اگست 2021 میں عالمی منڈی میں خام تیل کی قیمت 69.75 ڈالر فی بیرل تک گر گئی۔ اس وقت پاکستان میں ڈالر کا ریٹ 163 روپے اور پیٹرول کی قیمت 119 روپے فی لیٹر تھی۔ اس وقت خام تیل کی قیمت ایک بار پھر 69.50 ڈالر تک پہنچ گئی ہے تاہم ڈالر کا ریٹ 280 روپے اور پیٹرول کی قیمت 255.63 روپے فی لیٹر ہے۔
اگر اس وقت اور موجودہ وقت کے ڈالر کے ریٹ کا جائزہ لیں تو خام تیل کی قیمت کے حساب سے پاکستان میں اس وقت پیٹرول کی قیمت 200 روپے فی لیٹر ہونی چاہیے، تاہم اس وقت حکومت پیٹرول کی فروخت پر پیٹرولیم لیوی کے طور پر 60 روپے فی لیٹر وصول کر رہی ہے۔
مزید پڑھیں :
