گجرات (نیوزڈیسک) بھارت میں قتل کا ایک اندوہناک واقعہ سامنے آیا ہے جس میں شوہر نے بدچلنی کے شبے میں اپنی بیوی کے گلے پر چھری پھیر دی اور پولیس کے آنے تک ساتھ بیٹھا رہا،بھارتی ریاست گجرات میں ہونے والے واقعے نے سب کے دل دہلا دیئے، مقامی پولیس کے مطابق گزشتہ روز ایک شخص نے ناجائز تعلقات کے شبہ میں اپنی بیوی کا گلا کاٹ دیا، مقتولہ بس کنڈیکٹر کے طور پر ملازمت کرتی تھی اور قتل بھی اسی بس میں ہوا۔بیوی کو قتل کرنے کے الزام میں شوہر کو گرفتار کرلیا گیا ہے۔ ملزم جس کی شناخت امرت راٹھوا کے نام سے ہوئی ہے، وہ سورت ضلع میں پولیس افسر تعینات ہے۔ ملزم نے اپنی بیوی منگوبین کو قتل کرنے کے لیے 200 کلومیٹر سے زیادہ کا سفر کیا۔پولیس کے مطابق فون پر بار بار جھگڑے کے بعد ملزم امرت نے اپنی بیوی منگوبین کو قتل کرنے کا فیصلہ کیا۔ اور ایک منصوبہ کے تحت وہ بھیکھاپور گاؤں سے ایک بس میں سوار ہوا، جہاں اس کی بیوی کام کرتی تھی۔مقتولہ منگوبین کنڈکٹر کی سیٹ پر بیٹھی تھی کہ اس دوران امرت پیچھے سے تیزی کے ساتھ سے اس کی طرف بڑھا اور اس پر چھری کے پے درپے وار کیے۔ ملزم نے اس کا گلا کاٹ دیا جس سے وہ موقع پر ہی دم توڑ گئی۔بیوی کو قتل کرنے کے بعد امرت لاش کے پاس بس کے اندر بیٹھا رہا جب تک پولیس اسے گرفتار کرنے نہیں پہنچی بس میں موجود مسافر بھی یہ منظر دیکھ کر خوفزدہ ہوگئے۔
