نیویارک(نیوزڈیسک)امریکی نوجوان نےجِلد کے کینسر کے علاج کیلئے صابن تیار کرلیا عالمی خبررساں ادارے کے مطابق14 سالہ لڑکے ہیمن بیکلے نے یہ صابن تیار کر کے امریکا کے ٹاپ نوجوان سائنسدان کا ایوارڈ اپنے نام کر لیا ۔ریاست ورجینیا سے تعلق رکھنے والے 9 ویں جماعت کے طالبعلم نے 3 ایم ینگ Scientist چیلنج میں صابن جمع کرواتے ہوئے ویڈیو میں کہا کہ یہ صابن کینسر کا علاج میں ممدومعاون ثابت ہوسکتا ہے۔طالبعلم کا کہنا تھا کہ وہ ہمیشہ سے بائیولوجی اور ٹیکنالوجی میں دلچسپی رکھتا ہے اور اس مقابلے سےاسے اپنے خیالات کے اظہار کا بہترین موقع ملا ، امریکی طالبعلم کا کہنا تھا کہ میںچاہتا تھا کہ میری ایجاد صرف سائنسی لحاظ سے ہی بہترین نہ ہو بلکہ زیادہ سے زیادہ افراد کو اس تک رسائی حاصل ہو۔یہ صابن ایسے اجزا سے تیار کیا گیا جو انسانی جِلد میں ایسے خلیات متحرک کرتے ہیں جو کینسر سے متاثر خلیات کا مقابلہ کرتے ہیں، یہ صابن جِلد کے کینسر کی ایک قسم melanoma کے علاج میں معاون ثابت ہوگا۔اس ایوارڈ کو جیتنے کے بعد ہیمن بیکلے نے کہا کہ اسے توقع ہے کہ یہ صابن امید کی علامت بن جائے گا اور ہر فرد کیلئے جِلد کے کینسر کا علاج ممکن ہو جائے گا۔واضح رہے کہ ہیمن بیکلے 4 سال کی عمر میں افریقی ملک ایتھوپیا میں مقیم تھے، جہاں لوگ سورج کی تیز روشنی میں کام کرتے ہیں اور وہاں جِلد کا کینسر کافی عام ہے