راولپنڈی(نیوزڈیسک)راولپنڈی کے شاپنگ مال میں لگنے والی آگ پر 4 گھنٹے بعد قابو پالیا گیاہے، آگ سے کپڑے کی درجنوں دکانیں جل گئیں، کروڑوں روپے مالیت کادیگر سامان بھی جل کر راکھ ہوگیا۔ریسکیو حکام کا کہنا تھا کہ رحمان آباد کے قریب شاپنگ مال میں آگ لگی جس پر چار گھنٹے بعد قابو پالیا گیا ،انہوں نے بتایاکہ دوران آپریشن متاثرہ شاپنگ مال کی قریبی عمارتوں کوخالی کروا لیا گیا تھا،ریسکیو حکام کے مطابق آگ شاپنگ پلازہ کی بالائی منزل پر کپڑوں کی دکانوں میں لگی تھی۔