کراچی( اے بی این نیوز ) انٹربینک میں امریکی کرنسی کی قیمت میں اضافہ ریکارڈ کیا گیا ہے۔کاروباری ہفتے کے پہلے روز انٹربینک میں امریکی کرنسی کی قیمت میں 2 روپے 10 پیسے کا اضافہ ہوا جس کے بعد انٹربینک میں ڈالر 280 روپے پر ٹریڈ کر رہا ہے۔یاد رہے کہ گزشتہ کاروباری ہفتے کے آخری روز انٹربینک میں ڈالر 277 روپے 90 پیسے پر بند ہوا تھا۔دوسری جانب اوپن مارکیٹ میں ڈالر کی قیمت میں 2 روپے کا اضافہ ہوا جس کے بعد اوپن مارکیٹ میں امریکی کرنسی 283 روپے پر فروخت ہو رہی ہے۔پاکستان سٹاک ایکسچینج میں بھی مثبت رجحان دیکھا گیا ہے۔پاکستان سٹاک مارکیٹ میں 276 پوائنٹس کا اضافہ دیکھنے میں آیا ہے جس کے بعد 100 انڈیکس 44 ہزار 483 پوائنٹس کی سطح پر پہنچ گیا ہے۔