کراچی(اے بی این نیوز) ملک بھر میں مہنگائی کا طوفان ، بجلی کی قیمتوں میں اضافے کیساتھ برقی آلات بھی مہنگے، عید قربان پر ڈیپ فریزرز اور ریفریجریٹرز کی فروخت میں 75فیصد تک کمی کا سامنا برقی آلات کی فروخت کے مراکز اگاہکوں سے خالی، عید قرباں ریفریجریٹرز اور ڈیپ فریزرز کی فروخت کا سیزن سمجھا جاتا ہے لیکن رواں سال عوام کی قوت خرید جواب دے گئی جس کے باعث برقی آلات میں کمی دیکھنے میں آئی ، بجلی کے نرخوں اور گھریلو برقی آلات کی قیمت بڑھنے سے فروخت محدود ہوگئی۔دکاندار بہت کم منافع پر 500سے 1000روپے کا مارجن رکھ کربرقی اشیافروخت کرنے پر مجبور ہیں لیکن پھر بھی کوئی لینے کیلئے تیار نہیں۔ دکانداروں کا کہنا ہے کہ سیل میں فروخت کی ایک بڑی وجہ کمپنیوں کی جانب سے براہ راست فروخت، بینکوں کی جانب سے صارفین کیلئے اقساط کی سہولیات کا میسر ہونا بھی ہے جس سے عام دکانوں کی فروخت میں کمی ہوئی، رواں سال سنگل ڈور ڈیپ فریزر 70سے 75ہزار روپے، ڈبل ڈور فریزر، ڈبل ڈور ڈیپ فریزر 90ہزار سے ایک لاکھ روپے میں فروخت ہورہا ہے، 12کیوبک فٹ کا ریفریجریٹر 75ہزار روپے میں فروخت ہورہا ہے۔