نئی دہلی(نیوزڈیسک) بالی ووڈ کے میگا اسٹار امیتابھ بچن حیدرآباد میں اپنی فلم ’پروجیکٹ کے‘ کی شوٹنگ کے دوران شدید زخمی ہوگئے ہیں۔ تفصیلات کے مطابق انہیں پسلی کے پٹّھوں میں شدیدچوٹ لگی جس کی وجہ سے انہیں سانس لینے میں دشواری کا سامنا کرنا پڑا اور انہیں اسپتال داخل کرلیا گیا۔بگ بی نے اپنے بلاگ کے ذریعے زخمی ہونے کی اطلاع دی۔ امیتابھ بچن نے کہا کہ انہیں ایک ایکشن سین کرتے ہوئے چوٹ لگی ہے۔امیتابھ بچن کو چوٹ لگنے کے باعث شوٹنگ منسوخ کر دی گئی ہے۔ بگ بی ڈاکٹروں کی نگرانی میں ہیں اور ان کا علاج جاری ہے۔ امیتابھ بچن نے بتایا- پسلی میں شدید چوٹ لگی ہے اور دائیں طرف پسلی کے پٹّھوں میں بھی چوٹ لگی ہے۔ اس لئے زخمی ہونے کے بعد شوٹنگ بھی روک دی گئی ہے۔
