کراچی (اے بی این نیوز) پاکستانی شوبز انڈسٹری کی معروف اداکارہ درِفشاں سلیم ایک فیشن شو میں پہنے گئے لباس کے باعث سوشل میڈیا پر توجہ کا مرکز بن گئیں، جہاں ان کے لہنگے کا موازنہ اداکارہ ماورا حسین کے 2024 میں پہنے گئے لباس سے کیا جا رہا ہے۔
تفصیلات کے مطابق درِفشاں سلیم نے حال ہی میں لام فیشن ویک (LAM Fashion Week) میں معروف فیشن برانڈ ’میہا آفیشل‘ کی شو اسٹاپر کے طور پر ریمپ پر واک کی۔ اس موقع پر انہوں نے پیچ رنگ کا خوبصورت لہنگا زیب تن کیا، جس نے فیشن کے شوقین افراد کی توجہ حاصل کی۔
تاہم، لباس کی تصاویر سامنے آنے کے بعد سوشل میڈیا صارفین نے اس کی مماثلت اداکارہ ماورا حسین کے ایک سابقہ لباس سے جوڑنا شروع کر دیا۔ بتایا جاتا ہے کہ اسی فیشن برانڈ نے 2024 میں ماورا حسین کو بھی شو اسٹاپر کے طور پر تقریباً اسی طرز کا لہنگا پہنایا تھا۔
View this post on Instagram
دونوں اداکاراؤں کے ملبوسات کی تصاویر کا موازنہ سوشل میڈیا پر زیرِ بحث ہے۔ بعض صارفین نے دونوں اداکاراؤں کی خوبصورتی اور لباس کی تعریف کی، جبکہ کچھ نے سوال اٹھایا کہ درِفشاں سلیم جیسی مقبول اداکارہ کے لیے منفرد ڈیزائن کا انتخاب کیوں نہیں کیا گیا۔
فیشن سے دلچسپی رکھنے والے صارفین کی جانب سے اس مماثلت پر مختلف آرا سامنے آ رہی ہیں، تاہم لباس کے ڈیزائن میں مماثلت کے حوالے سے فیشن برانڈ کی جانب سے کسی وضاحت کی تصدیق موجود نہیں۔
مزیدپڑھیں: عالمی منڈی میں خام تیل کی قیمتوں میں کمی ریکارڈ
