برسلز (نیوزڈیسک)یوکرین پر روسی جارحیت کا ایک سال مکمل ہونے پر یورپین یونین کی جانب سے برسلز میں علامتی یکجہتی کا اظہار کیا گیا۔غیرملکی خبررساں ادارے کے مطابق اس حوالے سے یورپین دارالحکومت برسلز میں موجود یورپین یونین کی اہم عمارتوں کو یوکرین کے پرچم والے رنگوں سے روشن کیا گیا۔یورپین پارلیمنٹ، یورپین کمیشن، یورپین کونسل اور یورپین خارجہ امور( یورپین ایکسٹرنل ایکشن سروس ) کی عمارتوں کو روشن کیا گیا۔دوسری جانب یورپین کمیشن کے باہر بڑی تعداد میں یوکرین کے جھنڈے لہرائے گئے۔اس موقع پر یورپین کمیشن کی صدر ارسلا واندرلین نے اپنے خطاب میں کہا کہ وحشیانہ روسی جارحیت کا ایک سال۔ یوکرین کی بہادرانہ مزاحمت کا ایک سال۔ یورپی یکجہتی کا ایک سال، ہمارے سامنے اتحاد کا مستقبل ہے۔انہوں نے کہا کہ آپ آزادی، جمہوریت اور یورپی یونین میں اپنی جگہ کے لیے لڑ رہے ہیں، ہم آپ کے ساتھ ہیں، چاہے جتنی دیر لگے۔
