اسلام آباد(اے بی این نیوز )سپیکر قومی اسمبلی راجہ پرویز اشرف نے کہا ہے کہ خواتین پارلیمنٹرینز ملک میں صنفی تفریق کو ختم کرنے اور خواتین کو بااختیار بنانے میں اہم کردار ادا کر رہے ہیں،پائیدار ترقی کے اہداف کے حصول میں خواتین پارلیمنٹرینز کا کردار انتہائی انتہائی اہمیت کا حامل ہے۔ ان خیالات کا اظہار اسپیکر قومی اسمبلی راجہ پرویز اشرف نے پیر خواتین پارلیمنٹرینز کی قومی کنونشن سے خطاب کرتے ہوئے کیا۔ اس موقع پر سپیکر قومی اسمبلی راجہ پرویز اشرف نے تمام شرکاء کو خواتین پارلیمنٹرینز کی قومی کنونشن میں خوش آمدید کہا اور وومن پارلیمانی کاکس کی سیکرٹری ڈاکٹر شاہدہ رحمانی کو کامیاب کنونشن کے انعقاد پر مبارکباد پیش کی۔کنونشن میں مختلف سیاسی جماعتوں سے تعلق رکھنے والی خواتین پارلیمنٹرینز نے خواتین کو درپیش مسائل پر سیر حاصل گفتگو کی۔ راجہ پرویز اشرف نے کہا کہ خواتین پارلیمنٹرینز ملک میں امن کے قیام اور جمہوری روایات کی مضبوطی کیلئے بھی اہم کردار ادا کر رہے ہیں ۔پاکستان کی سیاست میں ہماری خواتین کی بامعنی شرکت ہمت اور بہادی کی ایک دستان ہے ۔راجہ پرویز اشرف نے کہا کہ ہماری خواتین رہنماؤں نے ہمیشہ ملک میں جمہوریت کی مضبوطی کیلئے آمریت کا ڈٹ کر مقابلہ کیا ہے ۔شہید محترمہ بے نظیر بھٹو ملک میں آمریت کے خلاف جدوجہد کرنے والوں کی سب سے بااثر آواز تھی ۔اس موقع پرراجہ پرویز اشرف نے کہا کہ شہید محترمہ بے نظیر بھٹو کو کسی بھی اسلامی جمہوری ملک کی پہلی خاتون سربراہ ہونے کا اعزاز حاصل ہے ۔ راجہ پرویز اشرف نے کہا کہ ہماری خواتین پارلیمنٹرینز میں ہر طبقے ، مذہب اور نسل کی نمائندگی موجود ہیں۔پاکستان سے صنفی امتیاز کے خاتمے اور خواتین کی لیڈرشپ کے رول تک سفر طویل ضرور ہے نا ممکن نہیں۔انہیں نے کہا کہ خواتین کا سیاست میں بامعنی شرکت اور خواتین کو بااختیار بنانے کا سب سے بڑا داعی ہوں۔ بینظیر بھٹو خواتین کی لیڈر شپ کے طور پر ہمارے لیے رول ماڈل ہیں۔سپیکر قومی اسمبلی راجہ پرویز اشرف نے کہا کہ خو اتین کو بااختیار بنانے میں شہید محترمہ بینظیر بھٹو کا کردار شامل ہے۔خواتین کو بااختیار بنانے کے لیے جدوجہد کو جاری رکھوں گا ۔وویمن پارلیمانی کاکس کا خواتین کو بااختیار بنانے میں کردار کلیدی اہمیت کا حامل ہے ۔
