اسلام آباد(اے بی این نیوز)وزیردفاع خواجہ آصف کا کہنا ہے کہ اسرائیلی وزیر اعظم نیتن یاہو کی معافی کی درخواست احتساب سے بچنے کی مایوس کن کوشش کے سوا کچھ نہیں،اسرائیلی وزیراعظم کو فلسطین میں مظالم پر ساتھیوں سمیت جوابدہ ہونا پڑےگا۔
ایک بیان میں انہوں نے کہا کہ فلسطین میں اسرائیلی مظالم کو کس طرح بھول سکتےہیں،عالمی برادری کو معافی سےمتعلق درخواست پر سخت مؤقف اختیار کرناہوگا۔
اسرائیلی وزیراعظم کو معافی دینا ایک دھوکے کےمترادف ہوگا،نیتن یاہو اور اس کے حامیوں کو معاف کردینا اخلاقی اور قانونی انصاف کی ناکامی ہوگی۔
یاد رہے کہ اسرائیل کے وزیراعظم بینجمن نیتن یاہو نے صدر سے درخواست کی ہے کہ انہیں برسوں سے چلنے والے کرپشن کیس میں معافی دے دیں۔
مزید پڑھیں۔سینئر کرکٹر دل کا جان لیوا دورہ پڑنے کے باعث انتقال کرگئے
