کراچی ( اے بی این نیوز)پاکستان بھر میں ربیع الثانی 1447 ہجری کا چاند نظر نہیں آیا جس کے بعد یکم ربیع الثانی 25 ستمبر بروز جمعرات کو ہوگی۔اس بات کا اعلان مرکزی رویت ہلال کمیٹی پاکستان کے چیئرمین مولانا سید محمد عبدالخبیر آزاد نے اجلاس کے بعد کیا۔
مرکزی رویت ہلال کمیٹی کا اجلاس اسلام آباد میں ہوا جس کی صدارت مولانا عبدالخبیر آزاد نے کی جب کہ زونل کمیٹیوں کے اجلاس ملک کے مختلف شہروں میں ہوئے۔
کمیٹی کے چیئرمین نے کہا کہ اجلاس کو ملک بھر سے شہادتیں موصول ہوئیں تاہم کسی بھی جگہ سے ربیع الثانی کا چاند نظر آنے کی تصدیق نہیں ہوسکی۔
وزارت مذہبی امور نے رویت ہلال کمیٹی کے فیصلے کے بعد باضابطہ نوٹیفکیشن جاری کر دیا۔
مزید پڑھیں:جنرل اسمبلی کا اجلاس: ٹرمپ کی دھواں دھار تقریر، اقوامِ متحدہ پر چڑھ دوڑے
