اوٹاوا(اے بی این نیوز) کینیڈا نے قطر پر اسرائیلی حملے کے بعد اسرائیل کے ساتھ اپنے تعلقات کا ازسرنو جائزہ لینے کا فیصلہ کر لیا۔
غیر ملکی خبر رساں ایجنسی کے مطابق کینیڈا کے وزیر خارجہ انیتا آنند نے کہا ہے کہ قطر پر اسرائیلی حملہ کسی صورت قابل قبول نہیں ہے۔ اور خاص طور پر اس وقت جب قطر مشرق وسطیٰ میں امن کے قیام میں اپنا کردار ادا کر رہا ہے۔
انہوں نے کہا کہ ہم اسرائیل کے ساتھ اپنے تعلقات کا ازسرنو جائزہ لے رہے ہیں۔ اور اسرائیل پر پابندیوں کے حوالے سے بھی اپنے اگلے اقدامات کا مسلسل جائزہ لے رہے ہیں۔
اس سے قبل یورپی کمیشن کے صدر ارزولا فان ڈئرلاین نے اسرائیل پر پابندیاں لگانے اور اس کے لیے تعاون کم کرنے کا اعلان کیا ہے۔
واضح رہے کہ کینیڈا کا اسرائیل کے حوالے سے مؤقف وزیر اعظم مارک کارنی کے اقتدار میں آنے کے بعد سخت ہوا ہے۔ مارک کارنی نے جولائی میں اعلان کیا تھا کہ کینیڈا فلسطینی ریاست کو باضابطہ طور پر تسلیم کرے گا۔ جس پر اسرائیل نے شدید ردعمل بھی دیا تھا۔
مارک کارنی نے اسرائیلی فضائی حملے کی مذمت کرتے ہوئے کہا تھا کہ یہ “ناقابل برداشت اور تشویشناک” ہے۔ جو پورے خطے میں تنازع کو مزید بھڑکا سکتا ہے۔
کینیڈا کے سابق وزیر اعظم جسٹن ٹروڈو عام طور پر اسرائیل کی حمایت کرتے۔ لیکن بعض اوقات فوجی کارروائیوں پر تنقید بھی کرتے رہے تھے۔
مزید پڑھیں۔
