کراچی(نیوز ڈیسک)معروف اداکار، ہدایت کار عثمان مختار کی شارٹ ہارر فلم ’گلابو رانی‘ نے بین الاقوامی ایوارڈ اپنے نام کر لیا۔ جمعہ کو فوٹو اینڈ ویڈیو شیئرنگ پلیٹ فارم انسٹاگرام پر پوسٹ شیئر کرتے ہوئے انہوں نے کہا کہ ان کی ہدایت کاری میں بننے والی فلم ’گلابو رانی‘ نے امریکی ایوارڈ جیت لیا ہے، ’گلابو رانی‘ نے لاس اینجلس سائنس اینڈ فکشن فلم فیسٹیول میں ہارر فلم کی کیٹیگری میں بہترین شارٹ فلم کا اعزاز اپنے نام کیا ہے ،فلم کو عثمان مختار اور معراج حق نے پروڈیوس کیا ہے ،سینماٹوگرافر فرقان گُل کی ہے اور کہانی علی مراد اور زنیرہ انعام نے لکھی ہے،شارٹ فلم کے اہم کرداروں میں اسامہ جاوید حیدر، معراج حق ، دانیال افضال، عمر عبداللہ، نتاشہ اعجاز اور خوشحال خان شامل ہیں ۔
