نئی دہلی(نیوز ڈیسک) بھارتی اداکارہ عرفی جاوید ایک بار پھر مشکل میں پھنس گئیں،غیرمناسب لباس پہننے پر بی جے پی رہنماء نے عرفی کے خلاف مقدمہ درج کرا دیا۔تفصیلات کے مطابق بھارتی ادارکارہ عرفی جاوید کو بھارتیہ جنتا پارٹی (بی جے پی) کی خاتون رہنما چترا کشور واگ کی شکایت پر پولیس نے انکوائری کےلیے طلب کرلیا۔ بی جے پی کی خاتون رہنما نے عرفی کے خلاف دائر اپنی درخواست میں کہا کہ اداکارہ ممبئی کی سڑکوں پر غیرمناسب لباس پہن کر اپنے جسم کی نمائش کرتی پھرتی ہی،کوئی سوچ نہیں سکتا کہ آئین میں دی گئی اظہار رائے کی آزادی کو کوئی اس طرح پریشان کن انداز میں بھی استعمال کرسکتا ہے،اگر عرفی اسی طرح سے رہنا چاہتی ہیں تو وہ چار دیواری کے اندر رہ کر یہ کام کریں ، یہ معاشرے میں بگاڑ اور اشتعال کا سبب بن رہی ہیں۔
